MASUYONG niyugyog ni Matteo ang balikat ni Sab nang huminto ang sinasakyan nila sa bahay ng dalaga.
Dahan-dahan siyang nagmulat. Namumungay ang mga matang bumaling siya kay Matteo.
"Thanks for tonight."
"Anything for you." Pinatay na nito ang makina ng sasakyan at inabot sa kaniya ang susi. "P'wede bang magkape muna sa loob?"
"Okay." Hindi siya nagdalawang isip na pagbigyan ang binata bilang pasasalamat sa ginawa nitong pagliligtas sa kaniya kanina. Tutal ay plano niya rin namang magkape para mabawasan ang tama ng alak sa kaniyang katawan.
Naunang lumabas si Matteo sa sasakyan. Tumakbo ito sa direksyon niya para mapagbuksan siya ng pinto at maalalayan siya sa paglalakad. Nakakapit ito sa beywang niya. Pakiramdam ni Sab ay lalo siyang nanghihina dahil sa sobrang lapit ng katawan nila
