NANG makarating sa Tarlac ay tumuloy sina Sab sa private resort na pag-aari ng tiyuhin ni Matteo, ang Villa Madrigal Resort.
"Wow! Ang ganda naman dito," namamangha niyang wika habang nakatingin sa two-storey modern villa.
"Sa tito ko ang resort na 'to. Kapatid siya ng mommy ko. Simula nang mag-migrate ang family nila sa U.S., sa akin niya pinasa ang pagma-manage ng resort na 'to. Every four months umuuwi siya sa Pilipinas para asikasuhin ang mga naiwan nilang business dito."
"I see." Nililibot ni Sab ang mga mata sa paligid habang nakikinig kay Matteo.
"Ang sabi niya huwag muna raw akong tumanggap ng clients habang nagbabakasyon ka rito. Para raw may privacy tayo."
"Nakakahiya naman, Matteo. Sayang naman ang p'wedeng kitain ng resort na 'to. Magsu-summer pa naman."
"Okay lang 'yon.
