"Okay ka lang?" tanong ni Kuya Gen pagkaupo ko sa sofa. Kumuha ako ng tubig na nasa harapan naming table at saka pagod na sumandal sa sofa.
"I think..."
Ilang beses na may nagtatanong sa akin kung ayos lang ba ako. Hindi ko tuloy alam kung ano na ang itsura ko dahil sa dami ng nagtatanong sa akin.
"Parang pasan mo ang mundo, insan, ah? Umayos ka nga! Ang pangit mo na nga, lalo ka pang pumapangit," aniya. Tinignan ko siya nang masama at saka hinagisan ng unan.
"Nagsisimula ka na naman kuya, ah? Wala ako sa mood," sabi ko.
"Ano ba kasi ang problema mo? Pwede mo namang sabihin. Kahit na hindi ko masasabing may advice ako. Mamaya ay kaartehan mo lang pala. No, thanks," mataray na sabi niya. Pinukol ko siya nang mas matalim na tingin kaya natawa siya sa akin. "Nakakatakot ka talaga, Zen."
