"Pinsan! Kumusta? Namiss kita, ah?" bungad ni Kuya Genesis sa akin. Pagkabukas ng pinto ay mukha niya agad ang bumungad sa akin kaya hindi ko masasabi kung maganda pa ang araw ko ngayon.
"Okay na sana ako, Kuya. Iyon lang, nakita kita."
Sumimangot agad siya sa sinabi ko. "Seryoso ako ritong sinabing na-miss kita tapos iyan pa ang sasabihin mo?"
Napairap na lang ako sa kaartehan niya. '"Oo na, na-miss na kita. Na-miss ko ang pambubulabog mo sa akin tuwing umaga," sabi ko.
Inabot niya ang mga gamit ko at saka kami dumeretso sa loob. Wala roon si Ate Kiara kaya sa tingin ko ay kasama niya ngayon ang boyfriend niya. Sina Tita Genevie at Tito Jack ay agad din akong sinalubong na may malawak na mga ngiti sa labi.
"Good morning, Andrea!" bati ni Tita. Maputi siya at may katangkaran. Nanlilii
