Napangiti na lamang ako sa sinabing `yon ni Dr. Stranger. Mukhang nakakatagpo ng bagong ama si Kiely dahil sa tono pa lang ng boses niya, naglalambing siya. Habang si Michael naman ay 'di ko na nakita kung saan nagsusuot ang gagong 'yon. Mukhang dinamdam niya talaga ang lahat ng mga nangyari. Napanganga ako nang makita ko ang asong sinasabi ng ama ni Michael. Bigla akong pinagpawisan bigla at nangatog ang tuhod ko sa takot. Sino ba naman kasi ang 'di matatakot at magugulat gayong napakalaki ng asong robot. Kalkulado ko, umabot ito ng five feet kapag nakatayo. How much more pag nakaupo.
"Wow! Ang cute!" Biglang tumakbo ang kapatid ko para lapitan `yon pero pinigilan siya ni Doc. Stranger. Ito muna ang lumapit sa asong nakatayo sa unahan at mukhang naghihintay ng tawag ng matandang doctor.
