Tumungo kami sa ospital sa bayan at doon ginamot ang mga sugat ko, in-xray rin ako at iba pang laboratory na si Thauce ang namahala. Siya rin ang nagtahi ng sugat ko sa ulo at siyang nag-asikaso talaga sa akin. Hindi niya ako iniwan hanggang makuha namin ang resulta ng lahat.
Nang makabalik kami sa resthouse ay halos paumaga na.
"Hindi ka ba inaantok? alam kong pagod ka, galing ka sa trabaho at diretsong pumunta dito sa Palawan, 'di ba?"
Narito na kami ngayon sa silid ko, nakahiga ako sa kama habang si Thauce ay nasa gilid ko at maingat na hinahagod ang buhok ko. Naligo na kasi ako, tinulungan naman niya ako at siya ang nagdamit rin sa akin dahil hindi ko pa masyadong maiangat ang braso ko. Ang suot ko ay ang puting polo na siya ang nagmamay-ari, nahirapan kasi siya kanina isuot sa akin
