HINDI malaman ni Ariyah kung anong gagawin, mabuti na lang at laging may naka-standby na ambulance sa hotel nila Chase kaya nadala naman agad si Audrey sa Juan Calixto Chavez General Hospital.
“Chase, maniwala ka, hindi ko sinasadya ‘yong nangyari,” nanginginig na sabi niya sa asawa habang nakasakay sila sa sasakyan nito para sundan si Audrey.
“Yeah, I know, Arie, calm yourself, okay, nakita naman namin ang buong pangyayari,” pagpapakalma naman sa kaniya ni Chase dahil patuloy pa ring nanginginig ang katawan niya. May ilang tuyong dugo rin ang kamay niya dahil nahawakan niya si Audrey.
“You were just defending yourself, Ariyah, kahit saan tingnan siya ang nauna kaya huwag kang mag-alala,” segunda naman ng Mama nito na sa kasama rin nito.
“T-thank you po,” naiiyak ng sabi niya pero kah
