NANG dahil sa mga nangyayari, alam ni Chase na kailangan niyang makausap ang mga magulang. Hindi pa niya direktang sinasabi na hindi buntis si Ariyah pero alam naman niyang napahapyawan na niya iyon lalo sa kaniyang ina. At ngayon kailangan din niyang sabihin ang tungkol sa pagdating ni Audrey sa buhay niya.
Ayaw niyang maging malaking misunderstanding ang lahat sa pagitan ng kaniyang mga magulang at ni Ariyah.
“So, what brings you here, son?” salubong ang kilay na tanong ng Mama niya. Kasalukuyan pa lang itong nag-aalmusal kasama ang kaniyang ama at talagang sinadya pa niya ang mga ito sa Isla.
“Ang aga mo naman pumunta rito, Chase, mukhang may importante kang sasabihin,” usal naman ng kaniyang ama.
“Kumain ka na ba? Kumain ka na muna, kung ano man yang sasabihin mo, pag-usapan natin
