PAGDATING nila Zoey ng Horizon Plaza ay nakahinga siya nang maluwag dahil walang masyadong tao roon at wala ring mga pulis na nakakalat.
“I think it’s safe,” usal niya kay Zac pagtapos ay marahan niyang binuksan ang pinto ng sasakyan.
“Saglit lang! Nababaliw ka na ba? Paano kung may makakita sa atin diyan?” pigil naman sa kaniya ni Zac. “Tawagan mo muna si Audrey,” utos pa nito kaya isinara na muna niya ulit ang pinto at kinuha ang cellphone niya. Nakailang ring iyon bago may sumagot.
“Nandito na ba kayo?” bungad nito sa kaniya.
“Yes, nasaan ka na ba?”
“Nandito na rin ako sa may gilid ng plaza, left side, puntahan mo na lang ako rito dahil dito rin naman tayo dadaan.”
“Okay,” tugon niya pagkatapos ay pinatay na niya ang tawag na iyon at nag-drive siya papunta sa direksyon na itinutu
