“ZAC, tinatanong ng Daddy mo kung ano bang plano mo sa buhay mo?” tanong ng ina ni Zac nang makapasok ito sa opisina niya. “Bakit ba wala ka nang ibang ginawa kung hindi ang magpabalik-balik sa Davao? Huwag mong sabihin na hanggang ngayon ay binabantayan mo pa rin ang buhay ng Ariyah na ‘yon?”
“Of course not, Mom!” mabilis namang tanggi niya. “At bakit ko naman siya babantayan?”
“Hindi pa ba halata?” sarkastikong tanong nito. “Halos ubusin mo ang oras mo roon tapos tatanungin mo ‘ko ng ganiyan! Binigyan ka na ng pagkakataon na makawala sa babaeng ‘yon. She ruined our life! Napahiya tayo sa buong tourism industry dahil sa kagagawan niya. Halos talikuran tayo ng lahat ng partners natin dahil sa ginawa ng Chase Chavez na ‘yon!”
“Babawiin ko ‘yon lahat, Ma, kaya pwede ba huwag ka nang mag-i
