Karina
“MUGTO ANG MGA mata mo, Madam. Ma-stress niyan si Joey mamaya,” ang sabi ni Michelle habang inaabot sa akin ang eye cream.
Kinuha ko ang eye cream at humarap sa salamin. Mugtong-mugto nga ang mga mata ko. Ngayon ang simula ng shoot namin. May panahon pa naman ako para ayusin iyon pero wala akong kagana-gana.
Hindi ko pa rin alam kung ano ang gagawin. Naniniwala ang puso ko sa mga sinabi ni Adan. Mas pinipili na magtiwala. Pero skeptical pa rin ang aking isipan. Alam ko na bibigay ako anumang sandali. Malakas ang aking pakikiramdam na mananalo ang puso ko.
Tanga ba ako? Hindi ko rin alam at ayokong isipin sa ngayon.
May mga kailangan akong gawin para sa araw na ito. Makakaharap ko si Adan. Makakasama. Kailangan kong umarte kasama niya.
Hindi ko alam kung paano kami mamaya. San
