Mabilis kong nilisan ang naturang bar. Medyo nahihilo ako sa alak na aking nainom ngunit kaya ko pa namang akayin ang aking sarili. Hindi ko alam kung saan ako tutungo. Hinahayaan ko lang ang aking paa na maglakad ni wala akong pakialam kung saan ako dadalhin ng aking mga yabag.
Mayamaya pa ay narinig ko ang paghampas ng alon na nagmumula sa dagat. Malamig din ang simoy ng hangin ang tumama sa aking balat. Pinagmasdan ko ang paligid. Nalaman kong nasa seawall ako ng mga sandaling ito. Malamig ang simoy ng hangin. Tamang tama para sa aking pag-iisa.
Umupo ako sa sementong harang ng alon ng dagat. Sinuyod ko ang malawak na kadiliman ng laot. May makukulay na ilaw doon marahil ay dahil iyon sa mga mangingisdang pumapalaot sa oras na ito. Payapa ang gabi, bagamat hindi pa nagpakita ang buwa
