Biglang namatay ang mga ilaw sa stage at sa paligid namin. Bigla ring nawala ang mga tugtog at ang mga ingay. Tanging narinig ko na lang ay ang yabag ng mga paa ng mga taong naglalakad-lakad sa paligid namin. Sobrang dilim sa loob ng covered court na ‘yon at wala talaga akong makita. Kahit si Gael ay hindi ko makita! Mag-pa-panic na sana ako nang muling bumukas ang ilaw sa stage.
Nagsalubong ang kilay ko nang makita roon si Gael na may hawak na mic. Doon lang sa spot niya mismo may ilaw. Ang bilis niya ah?! Nasa tabi ko lang siya kanina! Bumitiw lang siya sa akin tapos pagbukas ng ilaw ay nasa stage na siya kaagad?
“I knew you well right before I saw you personally. My brother had so many stories about you and it made me curious a lot to know you more. I wasn’t expecting to see you the f
