Ilang beses kong pinaalalahanan ang sarili ko na huwag na lang isipin ang tungkol sa sinabi ni Jayden sa akin. Baka nagbibiro lang din siya nang mga oras na ‘yon. Baka naman nagtitingin lang ng alahas kung hindi man para sa akin ay baka sa Mommy niya. Kung para sa akin may ay baka naman hindi talaga singsing.
Ayoko na ulit ma-hopia. Dalawang strike na ako! Hindi na ako aasa at mas magandang ma-surprise na lang kung kailan siya luluhod sa harapan ko hindi para lawayan lang ako kundi para alukin ako ng kasal.
Binitawan ko lahat ng mga iniisip ko tungkol sa ganoong bagay at mas nag-focus sa relasyon na mayroon kami. Hindi ko na nga namalayan na limang taon na pala ang lumipas na halos araw-araw na kaming magkasama sa trabaho. Pakiramdam ko nga ay magkakapalitan na kami ng mukha. Kilalang-k
