Iniismiran pa rin siya ni Tatay kahit pagkatapos niyang sabihin ‘yon. Si Nanay naman ay kilig na kilig sa gilid. Panay nga ang pandidilat nito ng mata sa akin at ang pagnguso kay Gael saka bubungisngis na kala mo bata.
Naisipan kong imbitahan sa labas namin si Gael. May kaunting espasyo kasi sa labas ng bahay namin bago makarating sa mismong gate. Wala nga lang upuan doon pero okay lang naman iyon.
“Anong paandar ‘yun?” pang-aasar ko sa kanya. Napakamot siya sa kanyang batok at napangiti.
“Well, I just thought that it’s good to show myself to your family even before you go to Manila,” kaswal na sabi nito.
“Teka, saka bakit manliligaw?” tanong ko rito. He looked at me.
“I am courting you. Hindi mo ba halata?” He pointed out. Napailing ako.
“Hindi ‘yun ang ibig kong sabihin. Baki
