Myra's Pov:
"Sinong nagbigay sa kanya ng relong iyon?" mahina ang boses na tanong ko kay Wesley.
Isinara n'ya ang hawak na aklat. "Relo?"
Tinapik ko ang pisngi ng lalaki para hindi s'ya tumingin kay Exopher Lopez. Dahil sa ginawa ko ay nangunot ang noo n'ya.
"Don't look," mahina pa ring sabi ko habang nakatingin sa binabasa n'yang aklat. "Iyong relong suot ni Exopher Lopez, sinong nagbigay niyon sa kanya?" muli kong tanong.
May kung ano sa relong iyon na hindi ko mawari. Kanina ko pa napapansin na hindi n'ya iyon binibitawan. Kahit pa nga nahihirapan s'yang kumilos ay kanina pa n'ya hinahawakan ang relong nasa kaliwa n'yang braso.
Kahit nang kinausap ko s'ya kanina ay iyon pa rin ang pinaglalaruan n'ya habang nanginginig sa sumasagot sa mga tanong ko.
"Ano bang mayroon sa relo n'ya,
