Myra's Pov:
Dahil sinundo lang ako kanina ni Ronmar sa bahay namin ay wala akong dinalang sasakyan. Isang taxi ang sinakyan ko paalis ng ospital.
Ngunit sa halip na sa bahay namin ay pinadiretso ko ang taxi sa subdivision na kinatatayuan ng sana ay bahay namin ni Algean.
Bago umalis ang mga magulang ni Algean ay ipinagkaloob na nila sa akin nang tuluyan ang bahay. Bukod daw sa parehong pera namin ni Algean ang ginamit para itayo iyon ay iyon na lang daw ang alaalang naiwan ng kanilang anak para sa akin.
Hindi na rin naman ako tumanggi dahil gusto ko talaga ang bahay, pakiramdam ko ay nakahahanap ako ng kapayapaan tuwing nandoon ako. Nawawala ang pangungulila ko sa lalaki sa tuwing doon ako tumitigil.
Sa nakalipas na walong buwan ay napapadalas ang pagbisita ko sa bahay naming dalaw
