Myra's Pov:
Isang malalim na buntong-hininga ang pinakawalan ko matapos isuot ang leather jacket na ako rin ang pumili. Ito na ang huling araw ko rito sa Raja Soliman at plano kong bisitahin ang mga katrabaho ko at maging ang puntod ni Algean bago ako tumulak pa-siyudad.
Inayos ko ang pagkakatali ng buhok bago isinukbit ang bag.
Nandito ako sa bahay namin ni Algean. Gusto kong bago ako umalis ng bayan ay dito ako magmumula. Gusto kong mas tumindi ang determinasyong nararamdaman. Dahil alam kong mas desidido na ako ngayon lalo na at may lead na kami kung sino ang dapat naming imbestigahan.
Ang second in command— si Anapi Lapid. At hindi na ako makapaghintay na makita s'ya.
Araw-araw ko s'yang makikita sa headquarters at araw-araw ko ring masusundan ang lahat ng kanyang kilos. Sisigur
