Ronmar's Pov:
Naramdaman ko ang mga ni Wesley sa akin ngunit hindi ako nagsalita, hinayaan ko lang s'yang tumingin sa akin. Iniligpit ko ang mga papel na nasa ibabaw ng lamesa at isinalansan nang maayos ang mga iyon sa gilid ng lamesa. Ang iba namang papel at mga gamit ay inilagay ko sa mga drawer.
"Oh, bakit?" tanong ko nang makitang nakatingin pa rin sa akin si Wesley.
Kaagad s'yang umiling. "Iniisip ko lang kung bakit ka pinatawag ni Chief. I mean, lagi ka na lang n'yang ipinapatawag. Napansin ko nitong mga nakaraang araw na madalas ka n'yang kinakausap sa kanyang opisina."
Umismid ako at ipinakitang hindi ako interesado sa kanyang mga sinabi. "Hindi mo na dapat itinatanong ang bagay na iyan, alam mo na dapat ang tungkol diyan."
Nadoble ang pangungunot ng noo ni Wesley. "Huh? Bakit
