Myra's Pov:
Dire-diretso ang takbo ng jeep. Nakatulong ang pagiging maaga kaya halos hindi iyon tumigil. Hindi na rin naman nagpasakay ang driver niyon, ni hindi na nga iyon huminto sa mga loading at unloading area.
Ang mga pasahero naman ay hindi na nakipagtalo sa akin. Lahat sila ay nagkaisang sumama sa presinto para magbigay ng statements. Ni walang kumuwestyon sa desisyon ko. Hindi ko alam kung dahil iniligtas ko sila kaya kaagad silang nagtiwala sa akin o baka natakot sila sa puwede kong gawin sa kanila sa oras na may umalma sa kanila.
Nang makitang kalmado na ang lahat ng mga pasahero at naibalik na rin sa kanila ang mga gamit nila ay minabuti kong ipikit ang mga mata at hinayaan ang sariling mahulog sa malalim na pag-iisip. Ramdam ko ang paninitig sa akin ng lalaking nasa tapat
