LINDSY
Mabuti naman at wala na si papa sa bahay kaya medyo nakahinga ako ng maluwag. Kapag narito kasi siya ay nangangamba ako na baka kapag mawala lang ako sa paningin nilang dalawa ni Ravi ay sugurin na niya ng suntok ang asawa ko. Ayoko dumating sa punto na kapag naubusan na ng pasensya si Ravi ay masaktan niya si Papa. Alam kong nagtitimpi lang siya dahil bukod sa mataas ang katungkulan ng papa ko, may respeto rin siya rito.
Pagkatapos namin kumain ay kinausap muna ni big boss ang mga tauhan niya. Nakaupo lang ako sa sofa habang nakamasid sa pakikipag-usap niya sa mga tauhan niya dahil tanaw ko sila sa pintuan mula rito sa sala.
Para siyang maimpluwensyang tao habang kinakausap ang mga tauhan niya. Para siyang pader na hindi kayang tibagin kahit pagtulungan siya ng mga kaharap ni
