"Brad, may hinihintay ka ba rito?" si Francine. Bumaba siya sa golf cart saka patakbong umikot upang lumapit sa akin at alalayan akong makababa.
Hindi ko naman maintindihan ang sarili ko na parang nagkaroon ng glue sa aking puwetan at hindi ako makaalis sa aking kinauupuan ngayon. Hindi naman mapakali ang aking mata kung saan idadapo ang paningin. Kay Rivas ba o kay Francine na nilalahad ang kamay sa akin.
Nakatitig kasi si Rivas gamit ang madilim niyang mata sa akin. Seryoso ang kaniyang mukha at mariing nakatikom ang labi.
Kinuyom ko muna ang aking kamao saka hinawakan ang kamay ni Francine. Muntik na akong mabuwal sa pagkakababa nang bumagsak ang mata niya sa kamay naming dalawa.
I cleared my throat. Naging ngiwi ang dapat ay ngiti ko kay Francine. Makakaya ko kayang hindi pansi
