"Mag-ingat ka sa susunod. Naku! Ikaw talagang bata ka. Kinabahan ako kanina, akala ko na pa'no ka na."
Pilit akong ngumiti kay Manang Betta. Medyo sumasakit pa rin ang aking balakang dahil sa pagbagsak kanina. Pinipilit ko lang maglakad nang maayos upang makababa at makakain.
"Ikaw pa namang mag-isa sa kuwarto mo. Kaya hindi ko agad malalaman kung may nangyari na ba sa'yo sa loob," dugtong ni Manang Betta.
"Natalisod lang ako kanina, Manang. Napasama lang ang pagbagsak ko."
"Sobrang masakit ba? Baka kailangan na nating ipatingin 'yan sa doctor," si Manong Ben.
Umiling ako saka malaki ang ngiting pinagmasdan silang dalawa. Aakalain nang makakakita sa amin na isa lamang kaming pamilya. Nanay ko si Manang Betta at tatay ko si Manong Ben tapos ako ang nag-iisang anak nila. Hindi ko m
