Malakas akong tumili habang nakabaon ang aking mukha sa unan. Agad akong dumapa rito sa aking kama nang makapasok ako sa aking kuwarto. Habol ko ang aking hininga dahil sa sobrang bilis ng aking pagtakbo kanina.
Naiinis sa sariling pinadyak-padyak ko ang aking paa saka ginulo ang aking buhok. Muli akong sumigaw. Sumasakit na ang aking lalamunan ngunit hindi ko iyon pinansin.
Sobrang kahihiyan ang sinabi ko kanina sa kaniya! Baka iniisip niya na ngayon na feelingera ako! Malay ko bang hindi pala siya ang nagbigay sa akin no'n! At malay ko bang hindi pala siya concerned sa akin.
I groaned. "Nakakainis naman! Bakit 'yon pa ang naisip ko?! Hindi sana ako napahiya sa kan'ya."
Sinuntok-suntok ko ang unan saka malakas na tinapon sa sahig. Umayos ako ng higa. Malakas na tumitibok pa rin an
