YVE UMBRIE
Ang dampi ng hangin sa aking katawan ang nagpagising ng aking diwa kinabukasan. Dinama ko ang ihip ng hangin na patuloy na pumapasok sa buong silid.Nagpadagdag pa ng magandang ambiance ang tunog ng mga dahon ng puno na nililipad ng hangin mula sa labas. Nang imulat ko ang aking mata, ang nakabukas na bintana ang aking unang nakita. Napangiti ako dahil nakikita ko ang asul na ulap mula sa aking hinihigaan. Nakakaganda ng mood ang magandang panahon sa labas.
Pagkaupo ko sa kama ay napansin ko ang isang tasang kape na nasa bedside table. Nang hinawakan ko iyon ay mainit pa. Sino kaya ang nagtimpla nito? Si Sam?
Kinuha ko ang tasa at itinapat ang aking ilong sa bunganga nito. "Ahhh...ang bango," bulong ko matapos huminga ng malalim. Ininom ko ang kape na kulay krema. "In fairness
