DALAWANG araw na ang lumipas simula nang sabihin sakin ni Andriuz na bibigyan niya ako ng isang linggo para makapag-isip. At sa loob ng mga araw na iyon, hindi ko siya nakita o narinig man lang. Wala rin akong natanggap na text o tawag galing sa kanya. Mukhang seryoso nga siya sa sinabi niyang hindi niya ako guguluhin ng isang linggo.
At sa bawat araw na lumilipas ay parang nagiging mas mabigat ang pakiramdam ko. Hindi ko maiwasan na isipin kung ano ang mangyayari pagkatapos ng isang linggo. Gusto kong magdesisyon nang maayos, pero ang daming tanong na pumapasok sa isip ko.
Sa trabaho, pilit kong iniintindi ang mga gawain ko pero hindi ko talaga maiwasan na maalala ang mga sinabi ni Andriuz. Naisip ko kung ano ang mangyayari kung sakaling pumunta ako sa park. Pero mas lalo kong iniisip k
