“Sir, Viz, ito na po ang mga pinapakuha mong dokumento sa akin,” ani Alfonse, bitbit nito ang gadangkal sa kapal na patung-patong na mga dokumento.
“Sige, ibaba mo lang diyan,” sabi niya, hindi nag-abalang lingunin ito. Nakatutok ang mga mata niya sa laptop at inaalisa ang mga project metrics—kung nasa tamang schedule ba ang pag-usad ng mga proyekto, ang budget adherence, at pati na defect rate. Gusto niyang masigurong maayos ang lahat, lalo na at nahahati na ngayon ang oras niya sa dalawang kompanya.
Halos hindi na siya makakuha ng matinong oras ng pahinga. Ang tulog niya sa isang araw ay nasa tatlong oras na lang madalas. Minsan nga dalawa na lang. Masuwerte na kung makaapat na oras pa siya.
“Sir Viz, kumain ka na ba?” tanong ni Alfonse.
“Hmm. Later.”
Sa gilid ng kanyang mga mata a
