May mga iilang pares ng malinis at bagong shorts na nasa cabinet sa loob ng kuwarto. May mga bagong T-shirt din, tuwalya, punda ng unan, at mga kumot. Naglalagay palang talaga ang pinsan ni Mang Savio ng mga damit at pangunahing mga gamit para sa mga taong gustong rentahan ang bahay nito.
Meron ding bagong toothbrush, toothpaste, shampoo, sabon, at conditioner.
Malinis naman ang loob ng bahay. Si Mang Savio ang nagmimintina n’un. Kaya rin pala malusog at buhay na buhay ang mga halaman at bulaklak sa labas ay dahil inaalagaan din iyon ng mabait na matanda. Araw-araw daw nitong pinupuntahan ang bahay para linisin. Iyon ay pagkatapos ng buong araw nitong pamamasada.
Matapos nitong masiguro kanina na komportable na sila ay saka palang ito nagpaalam. Napakabuti talaga nito. Hindi naman sila
