Napatingin ako kay Cheska, kita ko sa mukha niya ang pagtataka. Bago pa man ako makasagot, sumilip siya sa loob ng kwarto ko at agad na napakunot ang noo niya nang makita si Mr. Dark na nakahiga sa kama ko, pawisan at mukhang nilalagnat.
"Para sa kanya?" Lumakas ang boses niya habang nakaturo kay Mr. Dark.
Napabuntong-hininga ako. "Cheska, lasing siyang dumating dito kanina. Hindi ko naman siya pwedeng pabayaan sa labas, lalo na’t ganito ang lagay niya ngayon," paliwanag ko, sabay pasok sa kwarto upang ilagay ang planggana sa bedside table.
Sumunod si Cheska at tumayo sa gilid ng kama, nakapameywang. "Alam mo bang kasalanan niya kung bakit ka nasa ganyang sitwasyon ngayon? At ngayon, ikaw pa ang nag-aalaga sa kanya?"
Hindi ko na siya sinagot. Dinampot ko ang basang panyo at marahang pi
