Pagdating namin sa bahay nila Cheska, agad akong nakaramdam ng matinding kaba. Ang bahay nila ay kasing-grandioso pa rin ng dati—malaki, elegante, at may halong bigat ng alaala sa bawat sulok. Kahit ilang beses na akong nakapunta rito, ngayon lang ako nakaramdam ng ganitong klaseng tensyon.
Pinagbuksan si Cheska ng yaya nila, isang matandang babae na halatang matagal nang naglilingkod sa kanila. Nang makita niya kami, agad siyang ngumiti pero napansin ko ang pag-aalalang lumitaw sa kanyang mukha nang makita si Red sa likuran namin.
"Where’s Daddy?" tanong ni Cheska, diretso at walang pag-aalinlangan sa boses niya.
"Nasa loob po," sagot ng yaya, itinuro ang direksyon kung saan matatagpuan si Tito Jai.
Napalunok ako habang sinusundan si Cheska papasok. Hindi ko maalis sa isip ko ang laha
