Panibagong araw, bagong simula.
Kahit marami kaming natuklasan kahapon, nagdesisyon kaming dalawa ni Cheska na kumilos na parang walang nangyari. Na parang hindi namin nalaman ang madilim na lihim ni Mr. Dark. Na parang hindi namin alam na ginagamit lang niya ako noon para makuha si Cheska.
Pero ngayon, hindi ko na alam kung alin ang totoo—ang galit niya o ang mga sandaling pinapakita niyang may halaga ako sa kanya.
Naupo kami ni Cheska sa aming mga upuan, nagbibiruan pa rin kasama ang iba naming kaklase, pilit na isinasantabi ang bigat sa dibdib. Wala namang nakakahalata. Wala namang nagtataka.
Hanggang sa marinig namin ang boses ni Mr. Dark.
"Only Monticello and Smith got the passing score."
Napatigil ang buong klase, at ilang pares ng mata ang napatingin sa amin.
Napatingin din a
