Ang condo ay tahimik, pero may bahagyang amoy ng alak na sumalubong sa akin pagpasok ko. Mula sa pinto, kita ko agad ang mga bote ng alak na nagkalat sa sahig, ilang baso na may natitirang alak, at isang bowl ng chichirya na hindi naubos. Ang ilaw sa sala ay dim na, may ilan pang kandilang nakasindi sa gilid ng lamesa.
Pagpasok ko, napakunot ang noo ko. Anong nangyari rito?
Dahan-dahan akong lumakad papunta sa sala, iniwasang matapakan ang natapong alak sa sahig. At doon ko nakita si Cheska, nakahandusay sa sofa, ang isang braso niya nakalaylay sa gilid, at mahina ang paghinga niya. Katabi niya si Jaytin, nakasandal sa armrest ng sofa habang ang ulo niya ay nakapatong sa balikat ni Cheska. Pareho silang mahimbing na natutulog.
Napalunok ako habang tinitingnan sila. Kita ko sa mukha ni C
