Nagising ako sa pakiramdam ng bigat sa kama, at nang imulat ko ang aking mga mata, nakita ko si Cheska na nakaupo sa tabi ko. Nakakunot ang noo niya, halatang nag-aalala.
"Na-convince mo siya?" tanong niya, pero alam kong may bahid ng kaba sa boses niya.
Napailing ako, pakiramdam ko ay parang pinapagod lang ako ng tanong na 'yon. Ramdam ko pa rin ang sakit sa dibdib ko, at kahit anong pilit kong itago, naroon pa rin ang kirot.
"Iiyak ba ako kung oo?" sagot ko nang walang kagatol-gatol, matigas ang boses ko pero basag ang loob ko.
Napabuntong-hininga si Cheska. Alam kong hindi siya sanay na makita akong ganito—durog, basag, at walang lakas. Hinawakan niya ang kamay ko, pinisil ito ng mahigpit na para bang sinasabi niyang hindi ako nag-iisa.
"Quice..." mahina niyang bulong, pero hindi k
