Napasinghap ako nang makita kong lumalakad si Dark palabas ng warehouse. Mabagal. Seryoso. Para siyang multong bumangon mula sa dilim, dala ang galit at sugat ng nakaraan. Ang mga mata niya, malamig at matalim, parang walang pakialam kung sino ang madamay sa galit niyang iyon.
Bigla siyang huminto ilang hakbang mula kina Red at Cheska.
Dahan-dahan niyang itinaas ang kamay niya—at doon ko lang nakita ang hawak niyang baril.
Napatayo ako sa pagkakatago, parang tinik na bumaon sa dibdib ko ang kaba. Hindi… hindi niya gagawin ‘to.
“Red, umalis ka diyan!” malamig ang boses ni Dark, pero ramdam ang poot sa ilalim ng bawat salita. “Hayaan mong tapusin ko na ‘to. Matagal ko nang pinlano ‘to. Wag kang humarang.”
Napaatras si Cheska, hawak pa rin ni Red ang kamay niya. Ang mga mata ni Cheska, p
