Kabanata 47
Hindi ko alam kung paano ko nalampasan ang hamon ni Alistair. Ang tanging alam ko lang, nakahinga ako nang maluwag nang hindi na niya diniinan pa ang usapin tungkol sa DNA test, kahit ramdam kong hindi pa iyon tapos. Parang binaba lang niya ang kutsilyo, pero hindi tuluyang ibinalik sa kaluban.
Tahimik kong inayos ang lahat ng gamit namin. Isa isang tinupi ang mga damit ng mga bata, maingat na inilapag ang mga bag sa gilid ng kama. Pagod ang katawan ko, pero mas pagod ang isip ko. Nang matapos ako, nagbabad ako sa banyo, hindi para maglinis lang, kundi para pakalmahin ang sarili ko. Para pigilan ang panginginig ng mga kamay ko.
Pagbalik ko sa kwarto, humiga ako sa tabi ng mga anak ko. Mahigpit kong niyakap si Ary, saka si Noah. Pinakikinggan ko ang mahinang paghinga nila, pi
