Kabanata 46
“Kung gano’n…” halos pabulong kong simula, parang natatakot na marinig ang sarili kong boses, “sino si Diana at si Bria sa buhay mo?”
Parang biglang lumamig ang hangin sa pagitan namin.
Napalunok ako at agad na nagsisi. Bakit ko pa ba binuksan ang paksang iyon? Bakit ko pa hinila ang sarili ko papunta sa mas masakit na tanong?
Hindi siya agad sumagot.
Nanatili lang siyang nakatitig sa akin, mariin, tahimik, mabigat. Para bang hinihimay niya ang tanong ko, hinahanap kung saan nanggaling, at kung hanggang saan ang alam ko. Ramdam ko ang malakas na kabog ng puso ko. Ang kaba sa dibdib ko ay unti-unting napalitan ng takot.
“H-h’wag na pala,” mabilis kong bawi, nauutal na ang dila. “H-huwag mo nang s-sagutin.”
Tumalikod ako, pilit iniiwasan ang bigat ng katahimikan. Isang hak
