Kabanata 45
Natapos kaming kumain na lahat ay busog na busog. Halos hindi na kami makagalaw sa dami ng nakain. May mga natira pang pagkain sa mesa, maayos pa, hindi man lang nagalaw. Ayaw sana ni Alistair na ipa, take out, pero wala rin siyang nagawa nang pilitin siya ni Noah. Ayaw daw nitong sayangin ang pagkain at gusto niyang kainin pa kinabukasan.
Ako ang nagdala ng paper bag na may lamang tirang pagkain habang si Alistair naman ay binuhat si Ary at inakay si Noah palabas ng restaurant. Tahimik na ang paligid kumpara kanina, pero ramdam ko pa rin ang marangyang ambience ng lugar, mga ilaw, mga salamin, at ang malamig na hangin na parang ayaw pa kaming pakawalan.
“Sarado na po ba ang mall ganitong oras?” tanong ni Noah habang naglalakad kami papunta sa sasakyan.
“Hindi pa naman, Noa
