Itch
Nakita ko ang pag-irap ni Jade. Si Jery naman ay nakatingin sa amin ni Drake na parang kakain ng tao.
"Tinatanong ko kayo. Anong ginagawa ninyong dalawa?" may diin ang boses na tanong ni Jery.
Hindi ako sumagot o maging si Drake. Ano ba ang ginagawa namin? Bakit nagagalit siya? Eh sila nga ni Jade, kanina pa nagpapahiran. Ano ang masama sa ginagawa namin? Nagpapasalamat pa nga ako at kusang pinahiran ng sun block ni Drake ang likod ko. Humahapdi na rin kasi. At sigurado, may sun burn ako nito. Napapikit ako nang muling maramdaman ang palad ni Drake. Para kasing may kumirot sa balat ko.
Nagulat ako nang maramdaman ang biglang pagtayo ni Jery. Nabitiwan pa niya ang hawak na lotion na para pa ngang sinadyang ibagsak sa mga hita ni Jade na napasigaw. "Ouch!"
Nakasimangot na kinuha ni
