RICO POINT OF VIEW
"Tita, sa ngayon po. Pwede po bang ako muna ang magdesisyon para sa asawa ko? Alam kong nag-aalala po kayo sa kanya pero gusto ko sanang hindi niya muna 'to malaman sa ngayon," mahinahon kong tanong para hindi siya agad mag-react.
Kunot nuo niya kong tinignan na halatang hindi sang-ayon sa gusto ko.
Nandito kami ngayon sa flower shop, kasama namin ang mga magulang ko habang ang mag-ina ko naman ay nasa school. Kanina ko pa talagang gustong sabihin 'yon sa kanya. Sa sobrang haba ng mga dumaang oras ay ngayon lang ako nagkalakas ng loob.
Alam ko namang hindi pa ulit buong-buo ang tiwala niya sa akin. Naiintindihan ko dahil magulang siya ng asawa ko. Mahal niya ang anak niya at nag-aalala lang siya.
Kaso sigurado naman kasing lalala lang ang sitwasyon kapag nalaman ni
