Lumipas ang mga araw. Sa tulong marahil ng mga vitamins na iniinom niya ay bahagya nang bumuti-buti ang pagbubuntis niya. Hindi na siya gaanong nahihilo at minsan na lang siyang naduduwal. Ngayon nga ay dalawang buwan na mahigit ang ipinagbubuntis niya.
Malapit na ang kaarawan ni Alexis. At isang gabi matapos siya nitong angkinin ay kinausap na naman siya nito na magpakasal na raw sila.
“Let’s get married on my birthday.” Masuyong sabi ni Alexis habang hinahaplos ng isang kamay ang pisngi niya at yakap naman ng isa ang beywang niya. Bahagya itong nakatagilid ng higa at nakaharap sa kanya.
Nakaramdam na naman siya ng pagkainis nang banggitin nito ang tungkol sa kasal. Tanggap na niya na bed warmer lang ang tingin ni Alexis sa kanya kaya naiinis siya sa tuwing sinasabi nito na papakasa
