“Stan, baka nakakalimutan mong kapatid ni Marcus iyon. Kapatid ng kaibigan mo. Ano na lang sa palagay mo ang mararamdaman ni Marcus kapag nalaman niya ang ginawa mo sa kapatid niya?”
Hindi na niya sinagot ang tanong ko kaya naging tahimik ang buong biyahe namin papunta sa ospital.
Pagdating namin doon ay nasa isang VIP suite na ng ospital si Marco at nabigyan na ng paunang lunas. Ngunit hanggang ngayon ay wala pa rin itong malay. Natawagan naman na raw ng ospital ang mommy niya at papunta na raw ito rito ngayon.
Ako tuloy talaga iyong nahihiya sa nangyari. Pakiramdam ko kasalanan ko kung bakit naririto si Marco ngayon. Siya na nga ang naabala dahil sa pagtulong niya sa akin, tapos ganito pa ang nangyari sa kaniya.
Nagulat ako dahil biglang huminto sa paglalakad si Stan. Nandito na kas
