NAGPATULOY ang pangungulit sa akin ng aking ama, ngunit paulit-ulit ko rin namang ibinabasura ang kaniyang suhestiyon. Alam na alam ko naman ang mga dinanas ni Ryu noon, pero hindi ko pa talaga kayang sumugal, lalo na't masyadong magulo ang buhay ko ngayon.
“Maggagala kami ni Hera, sasama ka ba?” he asked as he tried to convince me. Hinawakan niya rin ang aking kanang kamay kaya napatingin ako sa kay Hera na nakaupo lamang sa couch malapit sa aming dalawa.
“Ayusin mo ang kamay mong iyan. Namimihasa ka na,” kunwari kong galit na komento bago ko tinabig ang kaniyang kamay. Simula nang mag-usap kami ay wala na siyang ibang ginawa kundi ang hawakan ang aking kamay.
“Hindi ka ba talaga sasama?” isa pang tanong niya habang naglalakad kami patungo sa aming anak. Tumanggi naman akong muli bago
