SA sobrang dami ng kinahaharap naming problema ay iyon pala talaga ang naisip niya. Hindi naman ako katulad ng iba riyan na kapag hindi naibigay ng partner nila ang gusto ay maghahanap na ng iba. Nakatiis nga ako ng tatlong taon na walang katabi sa kama, e, kaya hindi iyon problema sa akin.
Matapos ko siyang pakalmahin ay pinilit ko siyang sa bahay na muna pansamantalang tumuloy dahil sigurado akong hindi pa rin siya titigilan ni Ashley. Kung nandito siya sa amin ay mapapanatag ang loob ko dahil bukod sa nakikita ko siya ay marami ring mga napalibot na guards mula sa Vallejo Security Agency na pareho nilang ni-hire ni Blade noong nakaraan upang bantayan kaming mag-ina.
Sa wakas din ay nadalaw niya na ulit ang aming anak na tuwang-tuwa nang makita siya. Maghapon nga silang naglaro, na til
