Simula nga no’ng araw na iyon, palagi na silang naghihintayan. Minsan pa nga si Charlie na mismo ang sumusundo sa kaniya, bago nila daanan si Jackie. Masaya lang ang ganoong set up nilang tatlo, kaya naman lalo siyang nahuhulog sa binata.
“Uyyy, umpisa na ng graduation practice. Saan pala kayo mag-aaral sa college?” maya-maya’y tanong ni Jackie, nasa park sila nang araw na iyon at tumatambay.
“Anong course ba mga kukunin niyo?” balik tanong naman ni Charlie sa kanila.
“Tourism ang kukunin ko. Itong si Jackie ewan ko diyan, baka of course kunin niyan,” tatawa-tawa pa niyang sabi sa mga ito.
“Baliw ka! Nursing ang gusto nila mama na kunin ko eh. Kaya sige gustuhin ko na lang din kasi hindi ko naman talaga alam kung anong gusto kong kunin eh,” sagot naman nito sa kanila.
“Ikaw ba Charli
