“Ano’ng nangyayari rito?”
“Mom! Istorbo ka!” gulantang naman akong napatingin kay Marco nang magreklamo siya sa Mommy niya.
Lumakad sila ni Ma’am Marinelle papalapit sa amin. Naniningkit ang mga mata ng Mommy ni Marco habang si Ma’am Melinda ay may pilyang ngiti sa mga labi kaya lalong dumagundong ang kaba sa dibdib ko.
“Ang tanong ko ang sagutin mo? Ano’ng ginagawa mo sa nurse ko? Huwag mong isali sa mga babae mo si Addie at ako mismo ang kakalbo sa iyo, Marco!” may pagbabantang asik ni Ma’am Marinelle sa anak. Napalunok ako habang si Marco ay sumeryoso ang mukha.
“Mom, kung makapagsalita ka naman, parang napakababaero ko. Sinisiraan mo ba ako kay, Addie?” iritadong reklamo naman ni Marco. Pigil na natawa ang tita niya habang tumaas naman ang kilay ng Mommy niya.
“Hindi ako nakikipag
