Inis na inis siyang bumalik sa sariling silid.
Wala siyang pakialam kung hubad siyang naglakad sa pasilyo. Nais niyang makalayo kay Gavin.
Wala na itong ginawa kung hindi paasahin siya. Puro simula, pero hindi tinatapos.
Nakainis pa kung bakit sa tuwing tatawag si Sabrina, natataranta si Gavin. At hindi pwedeng hindi nito sagutin ang tawag ng babaeng ‘yon.
“Sino ba siya?” inis niyang tanong.
Sumampa siya sa kama at binalot sa kumot ang hubad na katawan.
Masama, masama ang loob niya kay Gavin.
Siya na nga ang gumagawa ng paraan para may mangyari sa kanila, pero ito naman ang tila umiiwas o sadyang ayaw na may mangyari sa kanila.
Pero bakit naman?
Hindi ba’t binili nga siya nito ng sampung milyon para makatalik?
Para saan pa at gumastos ito ng ganoong kalaki kun
