Sumilip siya sa bintana mula sa silid. Nakita niyang papalabas na ng malawak na bakuran ang kotse ni Gavin.
“Saan ka ba pupunta, Gavin? Pupuntahan mo ba si Sabrina? Gano’n na ba siya ka-importante sa iyo?” tanong niya habang nakamata sa kotse na papalabas.
Kinagat niya ang mga labi, nais niyang pigilan ang mga luhang nais pumatak. Ewan niya kung bakit gano’n na lang ang pakiramdam niya. Kung bakit siya naiiyak, at kung bakit siya nalulungkot. Bakit nga ba? Hindi ba’t sinabihan na siya ni Gavin na ilugar ang sarili? Hanggang kama lang siya. Binili siya ni Gavin para sa kama nito. Kaya huwag na siyang umasa pa, dahil masasaktan lang siya.
Bumuntong-hininga siya, at napansin ang pintuan papunta sa veranda. Lumapit siya doon at binuksan iyon. Malamig na hangin ang sumalubong sa kanya. Na
