“NAG-ALALA ako. Akala ko kung ano na ang nangyayari sa inyong dalawa kanina ng apo ko.”
“Pasensya ka na, Ma. Naunahan ako ng takot kaya nang malaman kong nakuha ni Gabriel itong address ng apartment ay naisipan ko kaagad na umalis para hindi niya kami mahanap dito.”
Hinaplos-haplos ni Mama ang aking likod. Nasa pinto kami ng kuwarto habang pinagmamasdan si Orion na natutulog. Napagod ang bata sa kalalaro kanina sa bahay ng mga Santillan. Gabi na kami naihatid ni Gabriel pauwi rito. Humirit pa siyang doon na kami matulog ngunit hindi ako pumayag.
“Sinabi ko naman sa ‘yo, anak, hindi habang buhay ay maitatago mo siya. Isa pa ay karapatan ni Orion na makasama ang kanyang ama.”
Nalunok ko ang bikig sa aking lalamunan.
Kanina habang nakikipaglaro si Orion sa kanyang ama ay napansin kong
