HINAHAGOD ni Dawn ang sentido. Papunta na siya sa kuwarto nila ni Thor para matulog. Ramdam na ng katawan niya ang pagod at kakulangan ng tulog. Salamat na lang at dumating na ang magiging kapalit niya kaninang alas nuebe.
Nakapagpaalam na si Dawn kay Tiyo Dinoy. Bukas ng umaga ang balik nila ng Maynila ni Thor. Hindi na siguro sasama ang loob ng ina sa pag-alis niya. Ang dalawang kapatid ay umalis na kaninang hapon. Ni hindi nagpaalam sa kanya. Sanay na si Dawn na parang invisible siya sa mga ito kaya wala nang kaso iyon.
Pinipihit pa lang ang door knob, naghihikab na si Dawn. Sa nararamdaman niya, hindi siya makakapagsulat. Okay lang naman. Dalawang gabing smooth ang takbo ng utak niya sa kabila ng sitwasyon. Maging siya ay nagtaka sa sarili na nakakapagsulat pa rin siya pagkatapos ng
