Chapter 89
CLARA
Kinagabihan ay madilim pa rin dahil hindi pa rin naayos ang kuryente.
Nagsindi si Lance ng kandila para magsilbing ilaw namin. Nasa sala kami noon nakaupo ako sa mahabang sofa habang siya naman ay sa isahan na sofa. Magkatapat kaming dalawa ang kandila ay nasa lamiseta na yari sa marmol.
"Matagal na ba ang bahay niyo na ito, Lance?" tanong ko.
"Oo, pinamana ito ni Lolo Rodolfo sa akin noong namatay siya. Si Kuya Liam naman kasi ay may mansyon na, kaya sa akin niya ito ipinamana. Dalawa lang kasi kami ni Kuya Liam na apo niya," wika naman nito.
Hindi ko naisip na mag pinsan pala sila ni Liam.
"Hindi ko akalain na pinsan mo pala si Liam," sabi ko.
"Kahit ako man ay hindi ko inaasahan na pinsan mo pala si Shiena. Nawala sa isip ko na nagkita na pala tayo noong p
